★☆箍牙妹日記---第一回★☆

平時見人地影相笑得好靚....
但自己次次笑都要就住就住...唔可以露齒大笑.....

早排睇好多網友既blog
見好多sis 箍完牙之後都靚左好多
但自己又好怕痛.....於是上網做下research..

之前見sis話可以見左牙醫先..格下價再決定
所以早二日就去我平時洗開牙既牙醫診所諗住比牙醫睇左先..

點知個牙醫問我...你今日箍得唔得呀..??定洗唔洗再諗下先決定??
我就話:我怕痛呀......><><
牙醫話:上箍之ma..點會痛...一d都唔會痛...

佢話我d牙生得密..要mock四隻牙
不過要等我箍鬆d先mock..大約三個月後就可以mock...
我又話:我怕mock牙痛??
佢又話:會打麻醉針架ma..又唔係今日整...都時d牙鬆左就一d都唔痛架啦

於是我就決定:死就死啦!!!(要靚唔要命)(而且見到好多細過我既小朋友都箍梗..應該唔會太痛掛!!)
但個心跳得勁快!!!
好彩個牙醫同助護都好nice..全程keep住同我傾計...HONEY TT仔又全程陪住我(係咁叫我整)~~

比大家睇下上箍前個D牙仔先

平時笑係咁樣:

撐大D個口影埋最後一張遺照先...^v^

牙醫先同我整左牙模(要下次覆診先有得睇)
跟住幫我洗左牙
之後就痴粒粒

因為佢係咁係我個咀度吸走我D水..話要干先可以痴到粒粒
所以我個咀干晒

最後用D鋼線串起D粒粒..再拉緊...咁就搞掂

上箍既過程真係一D都唔痛

回家後即刻又影返張相先..睇下個樣變成點..好彩只係有小小腫啫

不過到左夜晚..就FEEL到佢開始扯左我...
訓下醒下咁....

第二日要返工..份工要係咁講野..都幾累
而到LUNCH..完全食唔到野
LUNCH只係食左碗粥
而夜晚..因為之前約左FD食DINNER..又唔想因為箍牙要d fd陪我食粥咁DRY (自己都唔想再食)
所以已經去左食SUSHI...雖然食野幾痛下..所以唯有慢慢CUT細D魚生咁食
足足食左二個鐘...(不過一路食一路傾計又唔覺既)
返到去..TT仔又怕我肚餓..買左豆付花比我食

今日第三日...LUNCH去食粥同腸粉
TT仔仲幫我剪細ｄ腸粉．．我先可以咬到JA

DINNER就去食河粉..今日已經無琴日咁辛苦...
但食野都要CUT細慢慢食
因為都要用力去咬....好快D牙仔就好累唔想再食喇

希望過幾日可以食到多D野啦
下次要到下個月先可以覆診...
努力!!!我要笑靚D呀^^