CX interview....

今日終於有機會去到國泰城....in 空姐
一直以黎都好想做...可惜...><

真係好顛..英文差D都死得..當然我已經死左..><

講下今日既流程..我係今日8:30 am
一入到去...佢將同一時段既人分成三GROUP左右
一GROUP有12-13人 ...
一開始比2mins認識你身邊個位PARTNER..
之後比一分鐘時間你介紹返個PARTNER...當然係英文PRESENT
跟住4-5個人一group..一組一個topic.之後比8mins你預備做group presentation
完成左之後...即時知first in result..唔得既就比張卡仔你..送你出門口
好殘酷

之後有英文assessment test..listening+reading..D listening仲難過a level..
又快.又唔會比足夠時間你睇題目

食完lunch再繼續second in..今次係debate...將今朝幾個timeslot 而又過到first in 既人分成3 group..一 group有8個人...4人一組做正方..4人做反方.
每人有一分鐘發言..之後10 min debate..又再每人一分鐘conclusion
最後..當然又係派黃色卡仔既時候
我就好不幸地....failed 左...不過都輸得心服口服..因為只有三個人可以留低
而佢地既英文亦都係好地道同好fluent..三位都係外國讀完書返HK搵工...

如果過到2 nd in...就會test 埋putonghua...之後應該就可以BC..同有offer 了

估唔到in空姐比我想像中難咁多.而且去in 既人..d學歷都係degree or above
我今日所見的..當中有會計人員..地勤人員..營養師等等..
今次雖然唔成功..不過都輸得心服口服..亦都大開眼界....

p.s.本身想係國泰城影相留念..可惜無人咁做..所以最後無影到..><

值得一提的是...D HR個個都好靚女..

希望以上資料幫到想做空姐既靚女啦...