★☆攝影文---中環夜景★☆

因為小妹BF TT仔一直都好熱愛攝影
於是小妹係早二個星期....就捉左佢去教我影相啦

今次既題材係中環夜景
小妹自拍出文就出得多..
今次係第一次將自己既作品POST 出黎..唔知反應會點呢??
希望SIS多多支持啦識影相既SIS歡迎比D意見我

其實香港既夜景真係好靚

♥♥YUMMY BUFFET @ YAMM with my best fd♥♥ & 作死不離三兄弟

今日朝早起身突然見到天文台掛左八號波...多左一日係屋企..就打下blog出下生活文啦

話說早一個月前..小妹同best fd connie(亦都係其中一位BLOGGER)約好左..要一齊放假去RELAX下
於是上星期三..我地終於可以一齊放假啦
所以去左TST MIRA既YAMM度食左個LUNCH BUFFET

我地大約一點去到...可能因為係平日既緣故..所以唔算太多人
唔洗BOOK位..一去到已經有位

YAMM 既STAFF真係超NICE..超好笑容
一見我地拎電話準備影相..就已經好主動咁行過黎幫我地

POST下有咩食物先...坦白講,食物唔算太特別..一般BUFFET有既刺身.熟食都有
美中不足係無生蠔(要星期六日先會有)

負責整炸天婦羅既STAFF真係超讚..佢可以一路炸..佢咀都係KEEP住笑
我同CONNIE仲諗:唔通係度返工真係好開心

最吸引我既就係YAMM既甜品
真係好多款式...好靚

其實仲有雪糕..但因為太快溶..所以我地無影相就食左啦
最讚既係我地叫左杯熱檸蜜..真係成瓶蜜糖比我地..正!!

最後見到靚靚既甜品..我地當然要影下相啦

平日去YAMM真係好抵..埋單都係二百二十蚊一位

原諒小妹既攝影技術..因為唔想拎相機去食BUFFET咁重
所以今次既相都只係用電話影

過左一個好愉快同RELAX既下午....
屈指一算..原來同CONNIE已經識左十四年啦

食完女仔當然就係SHOPPING啦
由於女仔SHOPPING..今次既戰利品主要都係女仔既必需品"BRA"
所以唔POST相啦...

題外話:
最近去睇左一套好好睇既戲...好感人(我覺得值95分)
就係"作死不離三兄弟"
係一套印度戲..主要講三個BEST FD..由細玩到大
一齊返學..點樣整古同學...
當中有好笑既位..又有好感人既位
同一般香港既情情愛愛..打打殺殺既戲好唔同..好有新鮮感
好感人...強烈推介...如果SIS去睇..記住帶定紙巾呀

★☆ettusais BB 礦物霜&礦物粉★☆一分鐘打造BB幼滑肌(video)

相信大家對ettusais呢個品牌一d都唔陌生，但佢既化妝品小妹就係第一次接觸
好開心今次有機會係ztyle抽中左ettusais 既BB礦物霜&礦物粉

平時返工都要化妝,朝早起身已經早...仲要化妝..d時間真係好趕
而且一日化左妝既時間都好長..所以化妝品都好重要...一D要揀D唔傷皮膚既化妝品
今次ettusais真係一次過滿足晒我呢二個願望，只需一分鐘，就可以打造bb幼滑肌

今次試用既係呢二款


而ettusais亦都好細心，係拎產品前，已先預約blogger到專樻試用合適自己膚色的礦物霜和礦物粉
礦物霜有三個色調，而礦物粉亦有二個色調

小妹今次試用既礦物霜係020色(屬於中間) ,另有010 及 030  (40g, 售價$195)


簡介:
BB礦物霜蘊含高達79%美容護膚精華的乳霜，係現時市場上具有最高護膚功效的底霜之一。礦物霜結合二種透明質酸複合物，導入滋潤成份。當乳霜與肌膚接觸後兩者之色調便互相融合，打造貼薄柔滑的BB幼滑肌，絕無黏立感。
而配方結合半透明啫喱與粉末，能與肌膚自然融合，能覆蓋不平滑粗糙表層肌膚，令肌膚透氣平滑。


而礦物粉則選用淺粉嫩膚色(另有自然膚色)  (10g,售價$190)

簡介:
BB礦物粉蘊含100%礦物成份的「抗乾燥粉末」 - 曾榮獲IFSCC美容大獎，有效預防肌膚粗糙缺水。此外，其微細礦物粉末可完美覆蓋肌膚表層，造出自然透明的粉底及定粧效果。用後肌膚質感剔透幼滑，不輕易溶粧。並且結合三種粉未(軟細粉未、BB礦物粉未，毛孔修飾礦物粉末)，能均勻地覆蓋肌膚表層，令肌膚質感顯得平滑細緻，剔透無瑕。

由於今次既分享文亦要求拍VIDEO...所以小妹都唔再講咁多啦..睇VIDEO啦
今次呢個VIDEO整左好耐啦.希望sis多多支持
等小妹以後有更大既推動力拍VIDEO啦

上妝後:

用後感:
小妹之前也曾用過多款礦物霜，但感覺比較焗促，而且比平時用FOUNDATION 化妝更易出油。
今次ETTUSAIS 零荳荳礦物霜及礦物粉有多種功效。除了可遮瑕和修飾毛孔外，
更有SPF 30 PA++ 可抗紫外光，以及加有抗敏感粉刺配方AC control oil 有效預防荳印形成及油脂分泌過盛。最重要的是用後妝容十分貼薄，小妹化妝後外出一整天，也沒有溶妝及出油，效果完全係意料之外，令我對礦物霜完全改觀，化妝同時可以護膚。大愛

☆MEDI ANGEL Q10 WHITENING SERUM ★我又要白雪雪☆

上星期收到卓悅既EMAIL..係BONJOUR COSMETIC FACEBOOK PAGE 抽中左MEDI ANGEL既Q10美白精華
好開心今次可以試用美白既PRODUCT..因為我D暗瘡印問題已經煩左我好耐啦.
真係非常感激卓悅比機會我試用

小妹皮膚屬於乾性至中性，而因工作需要，平日每天都有化妝，所以暗粒都比較多

今次試用呢一支精華有齊修護，美白，去暗啞等功效....好似好WORK咁
一支有30ML..售價$150-$210 (價格已參考卓悅，manning,watsons　因為特價時同正價價錢有所出入）
於是第一日拎到返屋企..就忍唔住即刻拆佢出黎啦


同市面上好多精華一樣,都係滴管式設計



因為小妹好暗粒都較多，所以小妹好怕D笠既精華...
而MEDI ANGEL呢支精華真係一D都唔笠..而且仲吸收得好快大愛

之後再做返個水油測試:
洗完面十分鐘後(皮膚真係好乾，結果小妹慘不忍睹):


搽完精華後:

水份升左六格
油份升左三格
柔軟度升左六格
水份、油份、柔軟度都大幅提升.....估唔到美白PRODUCT保濕效果都咁得!!有D意料之外

最後，當然係睇下最重要既美白功能
七天試用後: (左邊係用前，右邊係用後)
絕對無花無假...小妹今次SET定時間..於七天後同一時間，同一地方，用同一個相機模式影呢張相

好明顯，經過七天早晚試用後，暗瘡印淡左好多，連面色都光澤左好多

結果小妹好滿意，我會繼續KEEP住用落去
我要白雪雪