★☆HABA 潔面粉★☆

儲左好耐既haba積分就到期
於是經過haba既counter..就換左佢返屋企啦

之前聽過好多sis話haba既skincare 係無添加
今次有機會試下

同普通潔面粉一樣...
不過好易就起到泡

哈....成面都係

用後感覺塊面乾淨左..仲好爽
不過相對我用開既金箔梘..佢比較乾
但潔淨能力好好

以五★為滿分
清潔度:★★★★
保濕度:★★★
柔軟度:★★★

坦白講
效果一般....
如果要自己買的話..唔會回購

♥♥estee lauder 出血開箱文-- NIGHT REPAIR + HYDRATIONIST ♥♥

話說個日TT仔同我講:點解我公司D女同事唔化妝D皮膚都好過你化左妝個陣既...???
好HURT

同埋最近係ZTYLE呢度..見到好多SIS都愈大愈靚..皮膚愈來愈好
而且好多SIS話ESTEE LAUDER適合二十五歲以後既女仔用
於是趁ESTEE LAUDER有PROMOTE..就去買左二支精華

好多野送...今次敗左呢一袋

唔好睇佢咁細個袋..入面有好多野
而家買滿一千一百蚊..有一個大袋送

個袋仲有ESTEE LAUDER個LOGO

個款我都幾鐘意..可惜隻色比較成熟..最後送左比媽媽用...佢好鐘意哦..(當然無話比佢知個袋係點得黎..唔係實比佢鬧死)

仲有個化妝袋都係一SET

敗家全家福

 

左手面個二盒ADVANCED NIGHT REPAIR同HYDRATIONIST就係我今次買返黎既
右面O個D全部都係GIFT...係咪好抵呢...??
gift有:NIGHT REPAIR精華,EYE CREAM,面霜,EYE MASK,TONER,洗面膏,唇膏
唇膏個盒我好鐘意.有四隻色.入面仲有鏡TIM..出街用好靚呀

入返正題..今次我買既係呢二支

HYDRATIONIST保濕精華保濕好好
用完一D都唔笠..仲好清爽...
用後明顯皮膚充滿水份...夜晚開冷氣訓覺前用真係好正

而NIGHT REPAIR 我覺得比較厚身.有D焗.同比較潤
我覺得冬天用會比較適合.或者間中夜晚用都唔錯

不過因為我只用左二次...所以仲未見面有明顯效果...下次用耐D再REPORT

今次埋單用左$1380....今個月又要慳D洗啦

原來ESTEE LAUDER一蚊有一分
新會員會有多五百分
咁我今次已經有1880分啦

夠二千分就可以換禮品.(咁都好快可以換啦)

有興趣既SIS記住去以下呢四間ESTEE LAUDER分店買野呀
因為呢幾間先會有積分儲....

 

★☆最近新寵----ultima II whitening water massage★☆

話說小妹幾個月前係ultima II敗左三盒金樽仔..個ba送左呢個whitening water massage
但因為屋企太多skin care..已經遺忘左佢既存在

點知上二個星期執房..先見到佢出現
就即刻開左佢黎用....

包裝都好靚..有成70ml

質地好似啫喱咁...用係面好舒服...

好易推..小小都可以用晒全面..

因為佢係按摩霜..所以一邊搽一邊按摩..
吸收得好快...用完唔洗過水...等d精華自己吸收
仲有小匙比我地..咁就唔洗驚整污糟

保濕效果真係好work....連續左三日..塊面彈左好多同滑左好多

水份真係好充足....而且d印都淡左小小

唔知一盒售價幾多呢??
不過就咁買又過得唔抵..因為始終都覺得佢係贈品
下次買金樽仔..一定要再叫個ba 送返呢個比我

★☆近期大熱----寶藝酵素冷膜★☆

近期成日都聽到人講台灣既寶藝面膜好用
有幾個fd用完都係咁讚
於是我又同佢地一齊敗左盒返黎試...透過朋友係台灣敗返黎...hkd$200都唔洗

原來好大盒....

今次呢一個係酵素冷膜..記住要有呢條貼補封住先係正貨

成份係呢張紙寫晒....(好懶既我都係影相算

)

入面有張鍚紙...我一時衝動..吉穿左
原來張錫紙係有用架...保存裏面既MASK..(可能因為要放係雪樻.防止有水.所以個鍚紙都有用...)

個MASK 好似啫喱..仲有小小香味
睇說明書話要敷0.5CM...(咁咪好厚??

)
所以我都無理..好似平時既MASK咁照敷..只係厚小小

用完記住用佢個刮..刮左D 啫喱先

用左二次...呢個冷膜真係好保濕...
而且因為雪凍左..係夏天敷真係好舒服
但白既效果仲未見到..所以都唔影相住啦...
用多一排再REPORT

呢個冷膜小妹強烈推薦...平時唔敷PAPER MASK既子粗用真係好正
平靚正!!!!

★☆箍牙妹日記---第三回★☆

話咁快又過左一個月啦...今次係第三次去見牙醫啦

上次已經知道今次要剝牙了...分別係要剝四隻小臼齒
牙醫比我揀..分二日定係一次過

最後我決定長痛不如短痛...一次過..因為我想快d箍完ma

先比大家睇下剝之前既牙先(箍左二個月)
(因為今次係自拍..所以左右調轉左)
隻爆牙已經拉左落黎..但因為d牙太迫...所以都要去剝牙
而今次剝每邊一隻.主要係因為想個咀型對稱...

一入到去..牙醫就拆走我本身既鋼線

之後牙醫先係每一隻要剝既牙前後打一支麻醉針..共八針
休息一會...牙醫再檢查..發現麻醉葯唔夠..放是每隻牙再一針
剝之前又有二隻牙唔夠葯.所以再加多二針
加埋足足吉左十幾針..嗚...>.<
(所以我覺得呢個牙醫手勢好似.......=.='')

之後就開始剝牙..過程好快
而且完全唔痛...只係feel到佢係度扯...唔洗五分鐘..四隻牙就無左啦

好多蛀牙哦...

剝左牙之後..牙醫就比棉花我咬住止血...可惜咬左成粒鐘..都仲有血
之後牙醫就照幫我上返鋼線,橡筋
今次用既鋼線比上次粗..可能因為要大力d拉返無左牙個空位

另外仲多左條橡筋係小臼齒既前同後..用來拉埋個空位
(以下圖片有小小嘔心.

)

之後牙醫比左d止痛葯我拎返屋企食

最痛既時間就係我返屋企既途中..因為d麻醉葯開始散
個牙位又流梗血...食唔到止痛葯..痛到流眼水

不過返到屋企..唔理d血...照吞d 止痛葯..因為忍唔到拉
唔洗一分鐘..即刻唔痛...

最難過..最驚既一日終於過左啦...我都覺得自己好勇敢呢...
呢二日只可以食粥

我要努力!!!!

我仲連續拎左三日假..呵呵
放假既心情都唔同d....就算牙痛...心情都係好開心