sofina 防晒

之前見好多sis話sofina既防晒好用
咁岩經過..見佢出左條新line...jenne
一問之下..原來jeanne係for 年輕既skin用
價錢仲比原先既line 平.只係$210..於是又出血買左啦

佢有1號同2號
1號係清爽..而2號就係滋潤
最後我比較多油既我就買左1號

雖然只有30ML..但極易推...
上面後非常清爽..
LUNCH 出既油比平時小一半以上...
完全唔似普通防晒咁有種lup 痴痴既感覺
同我以前用過既loreal,floxia,skinfood個d完全無得比

評分: (5★為滿分)
★★★★★

簡直係我用過最好既防晒

ORBIS COLLAGEN REPORT (1 MONTHS)

唔經唔覺又飲左COLLAGEN 個幾月..
係時候REPORT一下...

一個月後去ORBIS做SKIN TEST
orbis既儀器真係好唔掂
係沙田分店..話部機壞左..要1 月1日後先會整好(我已經去左2 WEEKS)
之後有日同fd去kwai fong..諗住經過做埋skin test
點知..居然話kwai fong分店無機做skin test

於是最後我去到尖咀k11分店做skin test
今次終於做到..但係部機都係壞壞地既..
check唔到水份...ORBIS既野真係唔多掂一肚火!!!!

飲既係呢款orbis collagen

講返個REPORT先..比大家對比下
一個月前:

一個月後:

油份少左D..彈性高左18%

坦白講..膚色唔覺有明顯分別
個BA同我講話如果SKIN要睇到..大約要三個月後先見到效果
唯有繼續努力啦

不過支COLLAGEN又真係幾好飲

出租天使

星期日無野做..又唔想出街
於是係屋企睇左套想睇好耐既戲.."出租天使"
成套戲一d色情成份都無..
但女主角佐佐木希好charming..好靚
d衣著高貴得黎又唔sexy
雖然我係女仔..但都比個女主角深深咁吸引住
有時間既sis真係要睇下

簡介:
白天，她是校內的風頭躉；夜晚，卻是出入酒店的性感援交少女。

17歲的高中女生小澤理央（佐佐木希 飾演）用身體換靚袋，更升呢招攬其他同學有錢齊齊?。認錢不認人的她，出賣友情、欺騙感情只是等閒事。一天，「見慣世面」的她竟因一個男人的相片而莫名心動。他是35歲的大學講師光輝(谷原章介 飾演)，對這個莫名奇妙惹上來的可愛女生，沉默內向的他只報以冷漠的回應，但理央不斷熱情地追求，更戀愛大過天，放棄充滿錢途的援交生活，終令兩人漸漸走近。然而，兩人各自背負的沉重秘密，以及身份與性格的差異，會否阻礙理央好好戀愛一次？

FREE DR WU (用後感) + PHYTO C PRO HEAL SERUM

之前係forum見到有sis 講去dr wu登記做會員
就有DR WU 既玻尿酸精華
於是我又去登記啦..有留意我blog既sis應該都記得

今日終於收到啦..仲要係記掛號送上門好開心
有10ML咁多

不過其實我係上個月..已經買左支DR WU玻尿酸精華了
不過只有30ML..就$37X了..好貴
調返轉諗..咁我今次收既呢支sample..咪值百幾蚊...

今次呢支唔會開封住..要用晒之前個30ml先
所以今次打返report先:
保濕勁能幾好...但有小小笠既感覺
係透明GEL狀咁..都幾傑身下...不過好易推
因為30ML係泵出黎大約3/4下.已經可以用晒全面
如果化妝先用...最好預早十分鐘..搽完等佢吸收完再化妝
用完要搽日霜或晚霜鎖水....一黎可以鎖水..二黎令佢無咁笠
冬天用效好..夏天用我諗會比較焗


之後要介紹phyto c pro-heal serum...
講起就好肉痛..點解會買呢支野呢
因為我d印..散得好慢..可能因為年紀老了
琴日去做完facial..個老闆娘同我講..話呢支新出既野好work
去印好掂..二星期內包保d印去開..無100%都有80%以上...
phyto c既個brand之前都有聽過...本身都知佢地既野work..但價錢真係好貴..
要$16XX..先得30ML..
不過佢又話唔work:唔會介紹你啦..你係個度做facial..都幫襯左二年...我都唔會想自己無左個客架..你又一定會黎做facial..唔通唔怕你次次嘈我咩...

諗諗下又覺得好似有d道理...佢又比我分二次比
於是就買左啦

係美國醫學品牌....聽老闆娘講,返屋企又做下research
phyto-c,skinceutical 同bicelle係三個唔同的牌子,
但三個牌子研發者都有Dr.Omar
phyto c由dr. omar研發既,但係SkinCeuticals係同PhytoCeuticals 簽合約黎用佢既formula(Formula 是dr.omar的) ,最後dr.omar 再set up返自己既品牌叫Phyto-C
有興趣既sis可以去呢度睇返http://www.cosmeticsdesign.com/news/ng.asp?id=48354-phytoceuticals-passes-the


上網睇..見到好多地方賣$7XX..覺得有d心痛..唯一安慰既係..
見到d網頁話要有lot..先係行貨..於是我即刻睇下有無..好彩有

個盒開過..係因為我已經甲完涼忍唔住用左一次

質感同dhc既卸妝油感覺一樣...我諗sis會估到係點樣
好重葯味..搽上面後有d痕同拿拿地既感覺...
唔知效果點..二星期後再上黎report
用過既sis歡迎留言分享下....^V^因為我都好心急想知...

不過真係要收手一排了..呢排大出血...
再係咁落去..今個月份糧無晒啦!!!

OLIVIA ONG BITTERSWEET

唔知大家仲記唔記得上二篇post 文..
去左朗豪坊shopping...只要買滿$500..就可以有olivia ong cd 一隻..及簽名會入場券一張
當日仲dump埋張收據去抽獎
個陣仲未聽過olivia ong既歌既我..當然無去到佢個簽名會啦

點知事隔一個月..收到朗豪坊既電話
白痴既我仲諗:唔通我係朗豪坊趺左野
原來..居然抽中左olivia ong bittersweet concert ticket二張

係11月20日star hall舉行..仲要係坐SECTION 1第六行
原價要$480一張

於是就同HONEY一齊睇啦

同OLIVIA ONG既距離真係好近呀

原來..同金剛既距離都好近..當晚佢就坐係我地後面
但又唔見有人同佢影相喎..可能因為佢當晚有美相伴..HAHA
所以我地唯有好明咁"偷影"啦 呵呵

由於坐第六行..仲要係個台既正中間..所以睇OLIVIA 得好清楚

OLIVIA把聲真係好清..好SWEET..好靚
原來有好多歌都係佢自己作曲....
當晚佢仲有唱好多好出名既舊歌...唱得好有感情
所以本身唔太識佢既我..都覺得好好聽..聽到好投入...
佢把聲同而家HK既歌手真係好唔同..唱得好有FEEL


olivia ong簡介:
Olivia Ong，王儷婷（1985年10月2日－），新加坡女歌手，是國際Hi Fi發燒界知名女歌手。她以演唱英語與日語歌曲為主，也有少量的華語歌曲。

2001年，15歲的Olivia Ong在一場歌唱比賽中被日本S2S唱片公司的總裁 Suzuki Ken 發掘，並簽入其旗下，成為全職藝人。

2004年11月，Olivia Ong在一場新加坡對日本的足球賽（2006世界盃亞洲區預選賽）上唱了新加坡國歌「前進吧，新加坡！（Majulah Singapura）」，大受讚揚。

2005年，Olivia Ong首張專輯《A Girl Meets Bossa Nova》問世，採用巴薩諾瓦（Bossa Nova）曲風，受到好評。她於同年發行了個人第一張創作專輯《Precious Stones》。此後 Olivia Ong 在日本和新加坡受到廣泛關注。她繼而推出了偏向流行音樂風格的《Tamarillo》以及《A Girl Meets Bossa Nova 2》。在2007年中旬推出的以翻唱並重新編曲的老歌為主的《Fall In Love With》更使得她在新加坡的人氣直線攀升。

今次既CONCERT..發生左D小插曲:
本身我個FD(都係我舊同事)..都同我一樣抽左左..
但因為佢咁岩同另一個CONCERT撞左日子..所以黎唔到

有個"好"同事知道左..就話自己都好鐘意OLIVIA ONG
於是我個FD就將二張TICKET..送左比一個"好"同事

點知..個"好"同事居然上網將二張TICKET放左出去
真係唔明點解可以咁....二公婆已經搵咁多
仲要係"為人師表"..又話係"基督徒"..滿口"仁義道德"
我唔係話"基督徒"既人..
只係想話佢地點解成日話自己係基督徒..祈禱時講到自己點唔計較..
但連呢D咁簡單既野都做唔到
唔明點解有呢D人..可以人前人後一個樣...
真係好虛偽..無錢..或者仲細就話咁做都算啦...咁大個人..都唔明點解可以咁...

可能所有野真係注定..又會咁岩我地搵歌..
咁都比我地上網見到個POST

HABA white lady + ultima II 金樽仔(及用後感)

上星期又到sogo半年一度既thankful week
係半年前既thankful week..入左部haba 導入機
導出效果一般..但導入都幾work

由於導入時..加white lady..可以做導誘體..令導入效果更明顯
用左半年後..覺得效果不俗...每次用完都有種好水潤既感覺
所以今次去回購
平日$3XX一支30ML white lday..今次thankful week...$598有一set二支既white lady
仲有埋60ml既g lotion..
g lotion就同toner既功能一樣..但比出面既toner清爽..而且吸收力強..
咁岩上次買個支又用晒..今次一set咁買..完全滿足晒我既要求!!!!

另外...話說上星期收工
經過ultima II..見到金樽仔買二送一....
本身未用晒..唔諗住咁快買...但點知去行過沙田屈人寺問價時
個BA同我講已經賣晒啦....灰!!!

但...行多二步..係一田COUNTER..居然見到仲有貨
而且甘岩又係FRIDAY..仲可以用埋HSBC既回贈
原價$14xx(七月買既時侯係呢個價)..今次買二送一..即係$2970有三盒
平均一盒都係$99X..一盒足足比平時平足六百蚊
個BA仲好好人..送多個WATER MASSAGE 貨SIZE比我
去PHYSICAL 焗桑拿用簡直PERFECT!!!!

一盒有五支..平均一支都係二百幾蚊..一支大約用到一個月

係時候講下用後感:
用左五個月金樽仔...眼圈明顯淡左好多...好多朋友都覺得..
以前影相好明顯..而家就唔覺
但眼袋就只係收到小小..效果一般
不過吸收得好快..每次只需一滴..就可以用一隻眼...返工上妝前用..可以令眼妝更貼服

比起之前用過既SKII, SKINFOOD, GARNIER等..效果明顯好多
highly recommend

黃金海岸BUFFET

上星期三補假...HONEY拎左日假陪我
一心諗住去食LUNCH BUFFET..點知懶訓既我因為之前個晚去完吧..起唔到身
最後唯有上網搵下有咩DINNER BUFFET抵食
見到黃金海岸酒店BUFFET做梗PROMOTION
只要平日用CREDIT CARD埋單.就有六五折..一個人都係$26X..
又可以去玩一日.於是就起程了

先去完TUEN MUN 市中心SHOPPING
根住K巴入去黃金海岸..入到去已經五點幾..岩岩見到好靚既日落

當然唔小得同honey自拍下啦

我地揀左個露天位坐..因為有FEEL D..仲有band唱LIVE!!!

今次BUFFET既主題係蟹..所以每位都可以得到一隻大閘蟹

仲有我最鐘意既長腳蟹....魚生..避風塘炒蟹..蟹粥等等等..

最後..當然仲有甜品..美中不足的是...雪糕不是HAGENDEZ..同埋無生蠔...

總括而言...咁既價錢..食到咁多野..又有咁好既環境..
絕對係超值...有興趣既可以去試下!!highly recommend

最後..同honey既sweet sweet合照..好似好耐都無影過d咁sweet既相了
不過我好肥..>.<